Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Популярное

Общество


Гэта бадай што галоўнае пытаньне, якое сёньня хвалюе жыхароў Магілеўшчыны й актыўна імі абмяркоўваецца. Агульная сума ўсіх запазычанасьцяў па заробку ў Магілеўскай вобласьці складае 6 мільярдаў рублёў. Гэта толькі з улікам заробкаў за жнівень, верасень і кастрычнік. Пра лістапад пакуль ніхто й ня згадвае.

Галоўныя праблемы - з выплатаю заробкаў, як заўсёды, у сфэры сельскай гаспадаркі. Зараз старшыні калгасаў у сельскіх раёнах моцна занятыя тым, што шукаюць грошы на выплату заробкаў хаця б за жнівень-верасень: 1,8 млрд руб вінны сялянам за гэтыя месяцы, больш за 3 млрд - за кастрычнік.

Прычым спэцыялісты гавораць, што сытуацыю пагаршае, дакладней - робіць безнадзейнай, адсутнасьць у сельскіх гаспадарках прадукцыі, якую можна было б прадаць і атрымаць прыстойныя грошы. Вытворчасьць малака й мяса застаецца амаль паўсюдна непрыбытковай, а месцамі проста стратнай.

Доўг прамысловых прадпрыемстваў - пераважна вялікіх гарадоў, Магілева й Бабруйску, - складае ня больш за 1 млрд руб.

Доўг па заробку ў Магілеўскай вобласьці зьмяншаецца павольна. Некалькі тыдняў таму сума запазычаных заробкаў наблізілася да 10 млрд, і губэрнатар Магілеўшчыны пагражаў кіраўнікам прамысловых прадпрыемстваў і будаўнічых арганізацыяў звальненьнем, калі на працягу тыдня людзям не аддадуць заробленыя грошы.

Пагроза падзейнічала, і доўг за два тыдні зьменшыўся на 4 млрд, аднак паляпшэньне становішча амаль зусім не закранула сельскія гаспадаркі. Кадравых зьменаў, паабяцаных у зьвязку з гэтым кіраўніцвам "вэртыкалі" вобласьці, пакуль не было.

Эканамісты лічаць, што асноўнымі прычынамі вялікай сумы запазычанасьці па заробках стала складанае фінансавае становішча суб'ектаў гаспадараньня ды ўзаемныя неплацяжы. Да таго ж прамысловыя прадпрыемствы ня могуць прадаць сваю прадукцыю, якія выраблялася напрыканцы году вялікімі тэмпамі дзеля выкананьня сёлетніх прагнозных паказьнікаў па аб'ёмах вытворчасьці.

Таму ня выключана, што й сяляне, і рабочыя прамысловых прадпрыемстваў у гарадах так і не атрымаюць да новага году сваіх заробленых грошах у поўным аб'ёме.

Ганна Юрчанкова

Радыё Рацыя