Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345
  • Популярное

Общество


Сёньня ў Ленінскім судзе Горадні адбыўся разбор адміністрацыйнай справы Міколы Маркевіча – галоўнага рэдактара былой газэты "Пагоня". Яго абвінавачваюць ва ўдзеле ў несанкцыянаваным пікеце, які адбыўся 19 лістапада.

Судзьдзя Дземчанка зачытаў міліцэйскі пратакол. Згодна зь ім Мікола Маркевіч удзельнічаў у недазволеным пікеце. Пікетчыкі пратэставалі супраць закрыцьця газэты "Пагоня" гаспадарчым судом, якое адбылося 12 лістапада. Тры міліцэйскія капітаны пацьвердзілі ў судзе тое, што запісана ў пратаколе датычна пікету.

Мікола Маркевіч нагадаў, што паводле канстытуцыі кожны грамадзянін мае правы і свабоды. У тым ліку – на пікетаваньне. А калі некаторыя беларускія законы не адпавядаюць міжнароднаму праву, дык павінна дзейнічаць міжнароднае права.

Судзьдзя Дземчанка адказаў, што без дазволу ўладаў усё не дазволена. Калі ўстаць на вуліцы з плякатам – "Я хачу двухпакаёвую кватэру" альбо "Я не забяру сёньня зь дзіцячага садка сваё дзіця", – гэта таксама будзе незаконнай акцыяй. Ён таксама нагадаў спадару Маркевічу, што яго пакаралі за ўдзел у несанкцыянаванай акцыі 2 гады таму. Мікола Маркевіч пацьвердзіў, што тады ён удзельнічаў у праводзінах прэзыдэнта. І яго пакаралі штрафам.

Пасьля прагляду міліцэйскага відэафільму, прысьвечанага пікету, судзьдзя Дземчанка сказаў, што прысуд спадару Маркевічу зачытае раніцай у чацьвер.

Сяргей Астраўцоў, Горадня