Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345

Общество


Беларускае чынавенства зноў апанаваў жах. У краіне распачаліся чарговыя паказальныя карупцыйныя справы. Першая тройца "ахвярных казлоў" ужо вядомая: начальнік чыгункі Віктар Рахманько, кіраўнік "Атланту" Леанід Калугін, дырэктар стадыёну "Трактар" Уладзімер Алейнікаў. Хто ж наступны трапіць пад антыкарупцыйны нож

З прыходам да ўлады Лукашэнкі антыкарупцыйныя кампаніі ў Беларусі сталі бадай што звыклаю зьяваю. І рэч ня ў тым, што Лукашэнка гэткі бескампрамісны барацьбіт з хабарнікамі й раскрадальнікамі дзяржаўнага майна. Ад самага пачатку сваёй палітычнае кар'еры антыкарупцыйныя кампаніі патрэбныя Лукашэнку для рэалізацыі папулісцкіх мэтаў. Раней на "антыкарупцыйным кані" ён апынуўся на прэзыдэнцкім пасадзе, зараз час ад часу такім жа чынам спрабуе там утрымацца. І чым горш жывецца беларусам, тым актыўней шукае ворагаў Лукашэнка. Калі б ён насамрэч імкнуўся зьліквідаваць карупцыю ў краіне, то не ствараў бы ўмоўва для яе існаваньня й урэшце не прызначаў бы на адказныя пасады несумленных людзей. А тут складаецца ўражаньне, што Лукашэнка наўмысна падбірае скампрамэтаваныя кадры.

Да прыкладу, той жа Віктар Рахманько. Да прызначэньня на пасаду начальніка ўсяе Беларускае чыгункі кіраваў яе Баранавіцкім аддзяленьнем і зарэкамэндаваў сябе, мякка кажучы, ня з самага лепшага боку. Прынамсі, баранавіцкія праваахоўныя органы мелі шмат пытаньняў да спадара Рахманько. Але яму ня толькі ўдалося выйсьці сухім з вады, але й пайсьці на павышэньне. Кажуць, што за яго хадайнічаў колішні кіраўнік прэзыдэнцкай Адміністрацыі Міхаіл Мясьніковіч.

Больш за тое, Лукашэнка неаднойчы публічна хваліў Віктара Рахманько, ставіў яго ў прыклад іншым гаспадарнікам. Галоўны чыгуначнік імкнуўся ўсяляк дагадзіць свайму прэзыдэнту. Падчас традыцыйных сэлектарных нарадаў Віктар Рахманько шчодра выдзяляў на сяўбу ці жніво дызэльнае паліва ды іншыя нафтапрадукты. А напярэдадні апошніх прэзыдэнцкіх выбараў Беларуская чыгунка фундавала некаторыя агітацыйныя акцыі ў падтрымку Лукашэнкі. Сярод іншага, чыгунка была фундатарам гастроляў па Беларусі расейскага вайсковага ансамблю "Блакітныя бэрэты", які актыўна агітаваў за Лукашэнку.

Словам, Віктар Рахманько верна служыў свайму патрону, імкнуўся падлабуніцца іншых уплывовых асобаў. Напрыклад, у дамах, збудаваных Беларускай чыгункаю, па вельмі нізкіх коштах набылі сабе кватэры некаторыя чыноўнікі й супрацоўнікі праваахоўных органаў. Зараз гэта інкрымінуецца спадару Рахманько як злоўжываньне службовым становішчам. Праўда, зусім верагодна, што некаторыя з ашчасьліўленых галоўным чыгуначнікам чыноўнікаў неўзабаве таксама трапяць у лік карупцыянэраў. Бо Лукашэнка публічна заявіў, што ў ягоным сьпісе каля 15 "кандыдатаў у карупцыянэры". Паводле зьвестак Рацыі, у хуткім часе адбудзецца "чыстка" ўсяго кіраўніцтва Ўпраўленьня Беларускае чыгункі. Нагадаем, што адзін з намесьнікаў спадара Рахманько ўжо знаходзіцца за кратамі.

Апроч чыгуначнікаў, па інфармацыі Рацыі, у "чорным" сьпісе Лукашэнкі знаходзяцца таксама й чыноўнікі Міністэрства аховы здароўя й нават рэктар Белдзяржунівэрсытэту Аляксандар Казулін. Увогуле, як запэўніў карэспандэнта Рацыі адзін з кіраўнікоў праваахоўных органаў, зьвінаваціць у карупцыі зараз можна любога чыноўніка, а тым больш гаспадарніка. Так што няма сумневу, даведзены Лукашэнкам плян выяўленьня 15 карупцыянэраў будзе выкананы.

Ян Мікалаеў

Радыё Рацыя