Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345

Общество


Са спасылкай на амэрыканскае ЦРУ нямецкае інфармацыйнае агенцтва Deutsche Presse Agentur паведаміла, што Менск ёсьць найбуйнейшым пастаўшчыком зброі радыкальным ісьлямісцкім групоўкам. Гэтую ж тэму, паводле інфармацыі іншых крыніцаў, абмяркоўваюць цяпер у Радзе Бясьпекі ААН.

Грунтуючыся на зьвестках крыніцаў у Цэнтральным разьведчым упраўленьні ЗША, нямецкае агенцтва навінаў DPA распаўсюдзіла інфармацыю, што сёлета Беларусь толькі ў першым паўгодзьдзі падпісала кантракты з арабскімі, палестынскімі й альбанскімі групоўкамі мусульманскіх экстрэмістаў пра пастаўкі зброі на агульную суму больш як 500 мільёнаў даляраў.

Агенцтва DPA зрабіла выснову, што Беларусь — гэта найбуйнейшы пастаўшчык зброі радыкальным ісьлямістам.

Большасьць расейскіх Інтэрнэт-сайтаў сёньня падае гэтую інфармацыю нямецкага агенцтва ды цытуе Сімона Вэзэмэна, экспэрта ў пытаньнях кантролю над узбраеньнямі са стакгольмскага інстытуту SIPRI: "Беларусь ёсьць самай сакрэтнай краінай у пытаньнях зьдзелак што да паставак узбраеньняў за мяжу ды адной з найбольш безадказных у гэтым пытаньні".

У гэтай жа інфармацыі падаецца цьверджаньне, што Беларусь пастаўляла зброю альбанцам, якія ваявалі ў Косаве й Македоніі, а менавіта кулямёты, гарматы, супрацьтанкавыя ракеты ды боепрыпасы.

Вось як пракамэнтваў інфармацыю DPA прэсавы сакратар беларускага Міністэрства замежных справаў Павал Латушка:

(Латушка: ) "Мы зьвярнулі ўвагу на згаданую інфармацыю. Мы лічым яе ілжывай і ня маем намеру яе камэнтаваць".

Аднак незалежны журналіст Раман Якаўлеўскі з гэтай нагоды сказаў Радыё Свабода:

(Якаўлеўскі: ) "Сёньня ў сваім артыкуле ў газэце "Наша свабода" я закрануў пытаньне, што, паводле маскоўскіх зьвестак, у Радзе Бясьпекі ААН зьявіўся нейкі дакумэнт, у якім падаецца інфармацыя наконт магчымага дачыненьня беларускага кіраўніцтва да падтрымкі краін і арганізацыяў, якія абвінавачваюцца ў сувязях з тэрарыстамі.

Паводле самых апошніх зьвестак з тых жа крыніцаў маскоўскіх, сёньняшні візыт кіраўніка брытанскага Форын-офісу ў Маскву таксама можа мець адной са сваіх мэтаў закрануць пытаньні, пра якія я пісаў у сёньняшнім сваім артыкуле", — сказаў Раман Якаўлеўскі, аўтар артыкулу "Беларускі сьлед у Іраку", які сёньня надрукавала газэта "Наша свабода".

У гэтай публікацыі спадар Якаўлеўскі нагадвае, што афіцыйны Менск абвяргае інфармацыю пра навучаньне ірацкіх курсантаў у Вайсковай акадэміі Беларусі, але дагэтуль ніхто не абвергнуў паведамленьне пра тое, што найноўшая расейская зброя, якую Беларусь рээкспартавала ў Лібію, урэшце апынулася ў чачэнцаў.

Юры Сьвірко, Менск