101 день за решеткой. Катерина Борисевич
Коронавирус: свежие цифры
  1. «Врачи нас готовили к смерти Саши». История Марии, у чьей дочери пищевод не соединялся с желудком
  2. Тихановская рассчитывает на уход Лукашенко весной
  3. «С последними упрощениями становится полегче». Айтишник делится советами по переезду в Украину
  4. «Будет готов за три-четыре месяца». Частные дома с «завода» — сколько они стоят и как выглядят
  5. Минское «Динамо» проиграло в гостях питерскому СКА
  6. «Бэушка» из США против «бэушки» из Европы: разобрали, какой вариант выгоднее, на конкретных примерах
  7. Акции солидарности и бойкот футбольных фанатов. Что происходило в Беларуси 28 февраля
  8. «Куплен новым в 1981 году в Германии». История 40-летнего Opel Rekord с пробегом 40 тысяч, который продается в Минске
  9. «Усе зразумелi: вірус існуе, ад яго можна памерці». Год, как в Беларусь пришел COVID: поговорили со вдовой первой жертвы
  10. «Ашчушчэнія не те». Все участники РСП вышли на свободу после 15 суток ареста
  11. Белоруска едет на престижнейший конкурс красоты. И покажет дорогое платье, аналогов которому нет
  12. Судьба ставки рефинансирования, обновленный КоАП, дедлайн по налогам, заморозка цен. Изменения марта
  13. Секс-символ биатлона развелась и снялась для Playboy (но уже закрутила роман с близким другом)
  14. В Беларуси ввели очередные пенсионные изменения. Что это означает для трудящихся
  15. 57-летняя белоруска выиграла международный конкурс красоты. Помогли уверенность и советы Хижинковой
  16. «Пышка не дороже жетона». Минчане делают бизнес на продукте, за которым в Питере стоят очереди
  17. Год назад в Беларусь пришел коронавирус. Рассказываем про эти 12 месяцев в цифрах и фактах
  18. Под Молодечно задержали компанию из 25 человек. МВД: «Они собирались сжечь чучело в цветах национального флага»
  19. Бойкот фанатов, новый КоАП, пенсионные изменения, падение зарплат и наши красавицы — все за выходные
  20. Защитник Бабарико и Колесниковой подал жалобу в суд на лишение его лицензии, но ему отказали
  21. Один из почетных консулов Беларуси в Италии подал в отставку из-за несогласия с происходящим после выборов
  22. «Первый водитель приехал в 5.20 утра». Слухи о «письмах счастья» за техосмотр привели к безумным очередям
  23. Чиновники придумали, что сделать, чтобы белорусы покупали больше отечественных продуктов
  24. Во всех районах Беларуси упали зарплаты, в некоторых — больше чем на 300 рублей
  25. Год назад в Беларуси выявили первый случай COVID-19. Что сделано за год, а что — нет
  26. Фанаты белорусских футбольных клубов массово объявляют о бойкоте матчей
  27. Автозадачка с подвохом. Нарушает ли водитель, выезжая из ворот своего дома на дорогу?
  28. Пенсионерка из электрички рассказала подробности о задержании и Окрестина
  29. Показываем, как выглядит часть зданий БПЦ на улице Освобождения, ради которых снесли объекты ИКЦ
  30. С 1 марта заработал обновленный КоАП. Новшества затронут почти всех белорусов


Анатоль Кляшчук,

Калектыву 35 гадоў. Яго стварыла і нязменна кіруе ім Надзея Новікава. Надзея Іванаўна кажа:

— У людзі нас вывеў малады фалькларыст з Любані Сяргей Выскварка. Да яго мы спявалі, але былі ніхто. Цяпер нас ведаюць нават за межамі Беларусі.

Летась гурт "Журавушка" вярнуўся з Вільні са званнем дыпламанта міжнароднага фальклорнага фестывалю "Пакроўскія званы". А сусветна вядомая фірма "BОSH" запрасіла гурт на сваю начную тусоўку, дзе бабулькам давялося працаваць побач з зоркай Італіі Джані Марандзі.



У вёсцы Ямінск цяпер не да фотасесій і канцэртаў. Агароды зарастаюць зеллем. Пасля цёплых дажджоў агароды патрабуюць тэрміновай праполкі. Не зважаючы на сваю зоркавасць і бясконцыя гаспадарскія турботы, вясковыя артысткі ўсё ж вельмі паважна паставіліся да маёй просьбы і сабраліся пазіраваць. Апранулі белыя, вышытыя кветкамі кашулі і спадніцы, узялі ў рукі няскончаныя працы-вышыванкі (у Ямінску ўсе жанчыны вышываюць), селі ў цянёчку і заспявалі. Але гэта было пазней, а напачатку я завітаў у сядзібу кожнай гэтай пявунні, каб пераканацца, што не толькі ў карагодзе, але і ў агародзе ім няма роўных. Рабіў фотаздымкі за працаю, распытваў пра жыццё. Краіна павінна ведаць сваіх гераінь — простых вясковых працаўніц з залатымі рукамі і галасамі.

Надзея Новікава родам з Салігорскага раёна, скончыла Мінскае педагагічнае вучылішча па спецыяльнасці харавы дырыжор і прыехала ў Ямінск па размеркаванні. Калі аднойчы пачула спевы вясковых жанчын, стала палонніцай гэтага спеўнага жанру. Прыходзіла да іх на ферму, дапамагала даіць кароў, каб толькі спявачкі ішлі ў клуб выступаць. Выгадавала траіх дзяцей, дачакалася шасцёра ўнукаў. З'яўляецца дырэктарам Дома культуры, хоць трэці год на пенсіі. Трымаюць з мужам шмат свойскай жывёлы і птушкі. Спяваць вучылася ад сваіх артыстак. Голас у Надзеі нізкі, але зычны, сакавіты. Яна не імкнецца выдзяляцца, спявае за астатнімі, каб не парушыць гармоніі.

Ніна Вішчэня нарадзілася ў 1944 годзе. Працавала даяркай. Маці-гераіня, нарадзіла пяцярых дзяцей. Любіць збіраць ягады і грыбы, дапамагае лясніцтву ў нарыхтоўцы чорнай рабіны і на пасадцы лесу.

— Голас у Ніны нізкі, грудны, крыху прыглушаны, звычайна яна пачынае песні і за ёю спяваецца лёгка і звонка, — кажуць пра яе іншыя спявачкі. — Танцуе яна гэтак жа лёгка, як і спявае.

Зінаідзе Раманчук споўнілася 73 гады. Яна адорана добрым голасам і з дзяцінства марыла быць прафесійнай спявачкай. Але старэйшы брат забараніў. І наогул дарога ў спеўнае мастацтва была ў яе складанай.

— Я ў маці была адна каханачка, бацькі заўсёды бралі мяне з сабою на вяселлі і радзіны. Я схоплівала ўсе песні і запомніла іх на ўсё жыццё, — кажа пра сябе Зінаіда Іванаўна.

Шмат спяваць яна пачала толькі пасля смерці мужа, бо раней ён не пускаў яе на рэпетыцыі і канцэрты, быў дужа раўнівы. Працавала ў паляводстве, выгадавала чацвярых дзяцей. У гурце часта яна першай заводзіць песню сваім зычным нізкім голасам, басуе.

Марыя Прушак нарадзілася ў 1940 годзе. Спявае па жыцці, з дзяцінства яе прыгожы голас гучаў у школе, у вясковым клубе, на вячорках. Працавала даяркай, маці трох дзяцей.

— Мы спявалі, як ехалі на дойку і як з дойкі вярталіся, — прыгадвае Марыя Яфімаўна.

Цяпер яна ўдава. Муж любіў яе за голас і за песні, якіх яна ведае безліч. На сваім падворку Марыя трымае кабылу Зорку і лёгка з ёю спраўляецца. У час спеваў у яе першая галасавая роля — весці песню. Яе голас рэдкі, звонкі, прыгожы, які ведаюць і адзначаюць нават сталічныя спецыялісты па фальклоры.

Гук Ніна нарадзілася ў 1941 годзе. Працавала калгасным паляводам. Знаная на Любаншчыне маці-гераіня, нарадзіла 8 дзяцей, пра якіх у Ямінску ніхто не скажа дрэннага слова. Цяпер у Ніны Фёдараўны 14 унукаў і 2 праўнукі. А яшчэ яна сапраўдная майстрыха вышывання і вязання. Валодае нізкім голасам, басуе.

Тамара Прушак нарадзілася ў 1952 годзе. Працавала на ферме даяркай. На пенсіі. Не можа жыць без справы, заўсёды першай спяшаецца на дапамогу суседзям.

— Агарод у яе самы дагледжаны, самы прыгожы, — кажуць пра Тамару аднавяскоўцы. У спеўным калектыве яна адносна нядаўна, але ведае шмат песень, яе нізкі грудны голас прыгожа зліваецца з іншымі галасамі.

Хадароўская Алена нарадзілася ў 1978 годзе ў вёсцы Новая Дуброва Любанскага раёна. Скончыла Нясвіжскі педагагічны каледж, настаўнік пачатковых класаў. Цяпер — мастацкі кіраўнік Ямінскага Дома культуры. У Ямінску выйшла замуж, нарадзіла дваіх дзяцей, вучыць іх спевам і музыцы. Мясцовая гаспадарка дала сям'і новы дом-катэдж, ёсць агарод. У гурце Алена спявае толькі пяць гадоў. У яе высокі, чысты, звонкі голас, яна, як і Марыя Прушак робіць падводкі ў песнях..

— От Ленка маладзец, скоранька нашы песні пераняла! — кажуць пра яе іншыя ўдзельнікі калектыву.

Фота аўтара
-25%
-40%
-30%
-10%
-25%
-10%
-35%
-20%
-17%
-60%