З 21 кастрычніка па 12 лістапада ў мастацкай галерэі "Універсітэт культуры" адкрыецца персанальная выстава Васіля Пяшкуна "Дакрануцца да сонца".

Васіль Пяшкун нарадзіўся ў 1978 годзе ў Гомелі.
Скончыў гомельскую мастацкую вучэльню і Беларускую акадэмію мастацтваў па спецыяльнасці манументальны жывапіс.
З 2005г. з'яуляецца сябрам Беларускага саюза мастакоў.
Удзельнік шматлікіх рэспубліканскіх і міжнародных выстаў, больш дзесяці персанальных.
У 2008 узнагароджаны медалём "Талент і прызначэнне" міжнароднага фонда міра і згоды.
Творы знаходзяцца ў Нацыянальным мастацкім музеі Рэспублікі Беларусь, музеі сучаснага рускага мастацтва Джэрсі Сіці (ЗША),
беларускім пасольстве ў г. Будапешт (Венгрыя) , часных каллекцыях Беларусі,
Расіі, ЗША, Ізраіля, Японіі, Італіі, Францыі.
Сонца - крыніца цяпла, святла і жыцця на Зямлі. У большасці сусветных культур яно выконвае ролю асноўнага сімвала стваральнай энергіі.

"Дакрануцца да сонца" - такую назву мае выстава Васіля Пяшкуна. Менавіта сонечнае святло з'яўляецца галоўным героем яго твораў. Яркія блікі, стракатая вясёлка, гуллівыя сонечныя зайчыкі - вось яна, палітра мастака.

Жвавая і імпрэсіяністычная манера пісьма, вытанчанае майстэрства і незвычайная шчырасць аўтара ўвасабляюць на карцінах гімн хараству прыроды і радасці жыцця.

Васіль Пяшкун працуе ў асноўным у жанры пейзажа і нацюрморта. Яго нацюрморты ўтульныя і камерныя, аднак майстэрства мастака прымушае гледача па-новаму зірнуць на простыя рэчы і прадметы, супыніцца ў задуменнасці і ўбачыць тонкую прыгажосць у будзенным і звыклым.

Але ўсё ж такі ўлюбёным для мастака з'яўляецца пейзажны жанр. Практычна ўсе свае працы аўтар стварае на пленэры. Менавіта таму іх вылучае трапнасць і свежасць імгненнага ўражання. Асаблівую ўвагу Васіль Пяшкун надае каляровым адносінам, каларыту і асвятленню. Колер для яго - гэта спосаб перадаць настрой, гамму перажыванняў і адценні пачуццяў. Дзякуючы гэтаму жывапіс мастака прыцягвае асаблівай цеплынёй і эмацыянальнасцю. Васіль Пяшкун не проста непрадузяты назіральнік, які суха і метадычна канстатуе як факт хараство наваколля, - ён тонка адчувае прыроду, яе характар і стан, спрабуе злавіць і перадаць яе дзіўныя нюансы, ледзь заўважныя паўтоны і пераходы, прыўносіць у пейзаж свае асабістыя адносіны і адчуванні.

Разглядваючы карціны Васіля Пяшкуна, мы ажыццяўляем дзіўнае падарожжа - не толькі геаграфічнае, але і падарожжа ўнутр сябе, што дарыць пачуццё неверагоднай і незвычайнай сувязі чалавека і прыроды, знешняй і ўнутранай гармоніі. І як сонечны прамень здольны распаліць вогнішча, так і сіла мастацтва можа распаліць у чалавеку іскру Божую, абудзіць унутранае святло.

Приближается Новый год, 2010 г.


Редкий солнечный день осени, 2010 г.


Мартовские проталины, 2010 г.


В Суздале, 2011 г.

Мастацкая галерэя “Універсітэт культуры”
Кастрычніцкая пл., 1 (Палац Рэспублікі); кант. тэл.: 227-26-12.
Працуе з 11.00 да 19.00, вых.: нядзеля, панядзелак.
-10%
-25%
-20%
-25%
-30%
-10%
-44%
-13%
0072263