За тры гады ў Беларусі 26 чалавек загінула на паляванні

Згодна з той інфармацыяй, што ёсць у Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь, колькасць зарэгістраваных няшчасных выпадкаў пры правядзенні паляванняў з 2007 года практычна не зніжаецца і знаходзіцца на высокім узроўні.

За тры з паловай гады ў краіне зарэгістраваныя 39 няшчасных выпадкаў пры правядзенні паляванняў. У іх 26 чалавек загінула, 13 было паранена.

— Ужо сёння абмяркоўваецца мэтазгоднасць выкарыстання паляўнічымі камізэлек павышанай бачнасці, правядзенне паляванняў толькі ў паляўнічых угоддзях, якія абсталяваныя стралковымі лініямі, а таксама абмежаванні па колькасці паляўнічых на аднаго кіраўніка пры правядзенні загонных паляванняў, паляванняў з засады і з падыходу, — гавораць спецыялісты Дзяржаўнай інспекцыі.