Рэктар БДУ: Шапуцька можа вярнуцца, але толькі ў наступным годзе

Таццяна Шапуцька можа падаць дакументы на ўзнаўленне ў навучанні, але толькі ў наступным годзе. Пра гэта падчас сустрэчы са старшынёй прадстаўніцтва Еўрасаюза ва Украіне і Беларусі Жазэ Мануэлем Пінту Тэйшэйрам заявіў рэктар БДУ Сяргей Абламейка.

Як раней паведамляла Еўрарадыё, Таццяну Шапуцьку, намесніцу старшыні міжнароднай арганізацыі “Малады Фронт”, адлічылі з другога курса юрыдычнага факультэта БДУ пасля ўдзелу ў Форуме грамадзянскай супольнасці Усходняга Партнёрства ў Бруселі.