Юрась Вітальеў, / Юрась Вітальеў

Фото: ТНТУ аграгарадках пустуюць пабудаваныя кватэры і ўзводзяцца новыя дамы, але беларусы там жыць не хочуць

Нягледзячы на крызіс і кватэры, што пустуюць з 2007 года, у аграгарадках працягваюць будаваць новыя дамы.

Напрыклад, у СПК "Сынкавічы", што ў Карэліцкім раёне Гродненскай вобласці, пустыя стаяць 8 кватэр, а хутка здаюцца яшчэ 6 новых.

Тут КДК правёў праверку з гэтае нагоды.

"Яны набудавалі хатак і чакаюць людзей. У іх ёсць дамоўленасць, што з Казахстана прыедзе шмат рускамоўнага насельніцтва. Некаторыя ўжо прыехалі, шукаюць, дзе спыніцца. У першую чаргу іх цікавіць жыллё, а працаваць яны гатовыя", - распавёў Еўрарадыё Сяргей Шэўчык, намеснік начальніка ўпраўлення кантролю за працай аграпрамысловага, лесагаспадарчага і прыродаахоўнага комплексаў КДК Гродненскай вобласці.

Сапраўды, аказваецца, рабочых з Казахстана чакаюць. А некалькі чалавек ужо даўно тут працуюць, кажа старшыня СПК "Сынкавічы" Васіль Харута:

"З Казахстана ў нас ёсць людзі. Пераехалі да нас і цяпер працуюць. Адзін - інжынерам, жонка загадчыцай склада. Яшчэ адна жанчына бухгалтарам працуе. Харошыя людзі".

У мінулым годзе ў СПК была супрацоўніца з Узбекістана, а яшчэ штогод прыязджаюць украінцы. Пра гэта Еўрарадыё распавялі ў аддзеле кадраў:

"У нас загадчыцай фермы працавала жанчына з Узбекістана. Але ўжо не працуе. Не спадабалася ёй. Яна - настаўніца, а будзе працаваць тут у нас на ферме? Нам жа розніцы няма, абы чалавек нармальна працаваў. У нас з Украіны на будаўніцтве пастаянна працуюць. І на палявых работах, на ўборку буракоў прыязджаюць".

Па словах Сяргея Шэўчыка, у кватэрах, што здаюцца ў некаторых аграгарадках, часта не падведзена святло і газ. Жыць у такіх умовах многія не згаджаюцца.

Сяргей Шэўчык: "Дамы здаюцца, а газ не падключаецца, святло не падключанае. Як людзі могуць там жыць? Яны туды не хочуць засяляцца. Ну, а навошта, калі ў суседніх ёсць новыя дамы з газам? Людзі хочуць жыць у лепшых умовах".
{banner_819}{banner_825}
-10%
-30%
-20%
-10%
-20%
-80%
-20%