Сiнгл, якi з гэтага дня можна бясплатна спампаваць у фармаце mp3 на сайтах www.krambambulya.com i www.tut.by, змяшчае чатыры рознастылёвыя версii новай песнi "Дольчэ вiта": адну рокавую, адну рэпавую i дзве для аматараў папулярнай музыкi. "Гэткiм чынам кожны чалавек, якому хоць трошкi падабаецца "Крамбамбуля", зможа знайсцi сярод версiй тую, якая найбольш адпавядае яго музычнаму густу, - гаворыць Лявон Вольскi. - Мы нават зрабiлi падоўжаную пап-версiю адмыслова для клубных ды-джэяў".

 

Рэпавую версiю "Дольчэ вiты" зрабiлi хлопцы з вядомай гомельскай хiп-хоп-каманды "Гарадская Таска". Яны адзначылiся не толькi цалкам iншай аранжыроўкай, але i новым, рэпаваным, тэкстам куплетаў. "Дагэтуль мы нiколi не рабiлi трэкаў на беларускай мове, таму было тым больш цiкава, што з гэтага атрымаецца", - адзначыў лiдэр гурта Саныч.

 

Канцэртная прэм"ера iнтэрнэт-сiнгла "Dolce Vita" адбудзецца на сольным выступе "Крамбамбулi", якi адбудзецца 12 снежня ў клубе "Фартуна". Ён атрымаў назву "Зiмовы канцэрт" i будзе складацца з лепшых песень усiх чатырох студыйных альбомаў гурта. Замова квiткоў (029) 671 58 65

 

 

1. Дольчэ вiта (rock version) 128 / 256

 

2. Дольчэ вiта (pop version) 128 / 256

 

3. Дольчэ вiта (Гарадская Таска rap version) 128 / 256

 

4. Дольчэ вiта (extended pop version) 128 / 256

 

Дадаткова: вокладка (gif, 144 k) - download