У нядзелю, 25 мая, у Віцебску адбудзецца прэзентацыя бясплатных публічных курсаў беларускай мовы "Мова Нанова".



Курсы "нарадзіліся" ў студзені гэтага года ў Мінску. Іх пачалі весці філолаг Алеся Літвіноўская і журналіст Глеб Лабадзенка. Затым ініцыятыву падхапілі ў іншых гарадах: Бабруйску, Баранавічах, Гродне, Нясвіжы, Брэсце, Маладзечне, Магілёве і нават Кракаве. Выявілася, што вучыць беларускую мову – гэта модна і сучасна. Раз на тыдзень заняткі збіраюць па 200-300 чалавек. 

Першы занятак "Мовы Нанова" ў горадзе над Дзвіной пачнецца а 14-й гадзіне ў культурна-гістарычным комплексе "Залатое кола горада Віцебска "Дзвіна" (вуліца Чайкоўскага, 3). Яго правядуць стваральнікі мінскіх курсаў – Алеся Літвіноўская і Глеб Лабадзенка. Далей выкладаць будуць мясцовыя знаўцы беларускай мовы.

На першай сустрэчы вы даведаецеся пра спрадвечна беларускую форму вашага імя, навучыцеся лепш карыстацца сінонімамі, правільна называць сваіх сваякоў, папрактыкуецеся ў прыгожым маўленні, пачуеце голас Янкі Купалы і паспаборнічаеце ў моўных вынаходніцтвах.

Уваход вольны, першы і наступныя заняткі - бясплатныя. Даведкі па тэлефоне: +375 29 894-05-17. 
-30%
-10%
-25%
-20%
-20%
-12%
-20%