Политика
Экономика и бизнес
Общество
В мире
Происшествия
Финансы
Недвижимость
Авто
Спорт
Леди
42
Ваш дом
Афиша
Новости компаний

Программы и проекты TUT.BY

Кругозор


26 верасня адбудзецца ўрачыстае закрыццё Першага міжнароднага сімпозіума па скульптуры ў кітайскім горадзе Таньшані.

Сярод 40 мастакоў з 20 краін у гэтым міжнародным форуме ўдзельнічае і беларускі творца Віктар Копач. Яго сустрэча з кітайскай зямлёй і ўдзел у шматлікіх пленэрах адбываецца не ўпершыню. Як прызнаецца сам мастак, у Кітаі зараз настолькі актыўна развіваецца культурнае жыццё і такую ўвагу надаюць менавіта гарадской скульптуры, што для творцы проста неабходна пры магчымасці тут папрацаваць і паўдзельнічаць у мерапрыемствах такога кшталту. 

Работа Віктара Копача "Узыход сонца", адабраная камісіяй сімпозіума, будзе ўвасоблена ў ружовым мармуры, вельмі рэдкім і прыгожым камяні, які ёсць толькі ў Кітаі і Партугаліі. Вынікам гэтай працы стане напаўненне скульптурамі ўдзельнікаў форуму аднаго з найпрыгажэйшых і найноўшых паркаў Таншаня - Наньху. Трэба нагадаць, што горад Таньшань цяпер называюць горадам-Феніксам, паколькі ў час трагічнага землятрусу 1976 года ён быў цалкам зруйнаваны. Аднак за гэтыя гады нібы фантастычная міфічная птушка паўстаў з руінаў і зараз з'яўляецца адным з моцных індустрыяльных цэнтраў Кітая. Кіраўнікі горада і арганізатары сімпозіума перакананы, што сучасны чалавек мусіць не толькі звяртаць увагу на працу, але і думаць пра вечнае, пра культуру і мастацтва, менавіта таму было вырашана ўпершыню правесці такую маштабную міжнародную сустрэчу мастакоў, каб у гарадскім парку Наньху застаўся прыгожы мастацкі след гасцей форуму. А для скульптараў быць піянерамі, здаецца, справа гонару і пэўных творчых амбіцый. 















Віктар Копач

Работа Вiктара яшчэ не завершана.




Мiнулыя работы Вiктара.





 Вольга Гальпяровiч, belarusian.cri.cn